ዝርርብ-ተዳልዎ

ኣቐዲሙ ቅድሚ እቲ ዝርርብ ብዛዕባ ምንታይ ዝምልከት ከም ምዃኑንን ክትዳለወሎም ዘለካ ፍሉያት ዛዕባታት ወይ ሕቶታት ከም ዘለዉን መብርሂ ዝሓዘለ ደብዳበ ክወሃበካ ኢዩ። እቲ ዝወሃበካ ደብዳበ ብደምቢ ከተምብቦን ተዳሊኻ ክትቐርብን ኣገዳሲ ኢዩ። እነናድዮም ሕቶታት ምምላእ ኣይትረስዕ።

ቈልዓ ዝርርብ ንከካይድ ከይተጸውዐ ምስ ዝርከብ ኣብቲ እቲ ወላዲ ዘካይዶ ዝርርብ ኣይሳተፍን ኢዩ። ሓለዊ ቈልዓ ምስ ዘድልየካ ባዕልኻ ኢኻ ከተሳልጦ ዘለካ።

• ኣብ ርእሲ እታ ንሰዳ ደብዳበ ብዓውደ-ኣዋርሕ ዝተኣሳሰረ መጸዋዕታ ብኢ-መይል ክንሰደልካ ኢና።
• እቲ መጸዋዕታ ክንሰዶ እንተድኣ ኰይና እትጥቀመሉ ኢ-መይል ኣብ መዝገብና ዝተመዝገበ ክዀውን ኣለዎ።
• ኣብቲ ብዓውደ-ኣዋርሕ እንሰዶ ዕድመ እቲ ርክብ መዓስ ከም ምዃኑ ይጸሓፍ ኢዩ፡ ከምኡ እውን ምስኡ መራኸቢ መስመር ማይክሮሶፍት ቲምስ/Microsoft Teams-lenke ነስዕብ ኢና።
• ቀቅድሚ እቲ ኣኼባ ምጅማሩ ኣብታ ዝተሰደደትልካ መራኸቢት/ሊንክ ኢኻ ትጥውቕ።
• ኣብ ዘይትርበሸሉን ዘየድልዩ ሰማዕቲ ዘይብሉን ጽሞናዊ ቦታ ንክትህሉ ድማ ከተረጋግጽ ኣለካ።

ኩሎም ተሳተፍቲ እቲ ኣኼባ ዝዀኑ ኣካላት ምስጢር ናይ ምዕቃብ ግዴታ ኣለዎም። እዚ ማለት ከኣ ብዛዕባ ጉዳይካ ዝምልከት ምስ ካልኦት ክዛራረቡ ኣይፍቀዶምን'ዩ ማለት ኢዩ።

ከም ልሙድ ሓደ መራሒ ኣኼባ ሽማግለ እዩ ነቲ ዝርርብ ዝመርሖ። ብተወሳኺ እዞም ዝስዕቡ ክሳተፉ ይኽእሉ ኢዮም፡

• ተሓዚ ጉዳይ
• ጠበቓ ወይ ካልእ ሕጋዊ ወኪል
• ተርጓማይ
• ሞጒዚ/መጒዚት ወይ ብዝተመዘዘሉ ወኪል ወይ ናተይ ዝብሎ ባዕሉ ዝመርጾ ደጋፊ ሰብ

• ብቐዳምነት ኩሎም ተሳተፍቲ ኣካላት ነነብሶም የላልዩ። እንተድኣ እቲ ዝርርብ ብቲምስ ዝካየድ ኰይኑ፡ ኩሎም ነንሓድሕዶም ብንጹር ይሰምዑ ከም ዘለው፡ ኣብ ዘይርበሽሉ ቦታን ክፍልን ኰፍ ኢሎም ከም ዘለውን ተክኒካዊ መዳይን ከም ዝድለ ይሰርሕ ከም ዘሎን ኣቐዲምና ነረጋግጽ ኢና።
• ከም ልሙድ ብዛዕባ ናይቲ ዝርርብ ዝዀነ ኣርእስቲ ናጻ ኰይንካ ንክትዛረብ ንሓተካ ኢና። ኣብ ገለ ገለ እዋን ድማ እቲ ዝርርብ ብመልክዕ ቃለ-መሕተት ኢዩ ዝካየድ፡ ማለት ንሕና ሕቶ ነቕርብ ንስኻ ከኣ መልስኻ ትህበ።
• ጠበቓኻ፡ ሞጒዚኻ/መጒዚትካ ወይ ካልኦት ምሳኻ ምስ ዝህሉው ሕቶታት ንከቕርቡ ዕድል ይወሃቦም ኢዩ።
• ጸብጻብ ናይቲ ዝካየድ ዝርርብ ንጽሕፍ ኢና። ኣብ ምውዳእ እቲ ኣኼባ ዋና ነጥብታት ኣርእስትታት ዝርርብና ኣልዒልና ብሓባር ሕልፍ ሕልፍ ንብሎም ኢና።
• ድሕሪ እቲ ኣኼባ ጸብጻብ ናይቲ ዝርርብ ንሰደልካ ኢና። ጠበቓ፡ ሞጒዚ/መጒዚት ወይ ወኪል እንተሃልዩካ እውን ንሰደሎም ኢና።

ዝርርብ ንምክያድ ንሕና ምስ እንጽውዓካ ኣብያተጽሕፈት ሽማግለ ጉዳያት ወጻእተኛታት ተቐበልቲ ይግባይ/UNE ኢዩ ወጻኢታትካ ዝሽፍነልካ። ከም ንኣብነት ካብን ናብን ኣዳራሻትና ዝምልከት ወጻኢታት መጓዓዝያ ንሕና ኢና ንሽፍነልካ። ኣብ ገሊኡ እዋናት ድማ ወጻኢታት መሕደሪ ቦታ ከከም ኣድላይነቱ ንሽፍኖ ኢና።

ብዲጂታላዊን ተሌፎንን ዝካየድ ዝርርብ ወጻኢታት ምስ ዝህሉ እውን ክንሽፍኖ ንኽእል ኢና፡ ከም ንኣብነት እንተ ናብ ቤት ጽሕፈት ጠበቓኻ ወይ ካልእ ዝምልከት መንግስታዊ ኣብያተጽሕፈታት ንምጒዓዝ ኣድላዪ ምስ ዝዀውን ማለት ኢዩ።

ዝርርብ ንምክያድ ባዕልኻ ምስ እትሓትት፡ ነቲ ዝርርብ ንምክያድ ወጻኢታት ምስ ዝህልወካ ኣይንሽፍነልካን ኢና። ንዘይጸዋዕናዮም ሰባት ዝምልከት ወጻኢታት እውን ኣይንሽፍንን ኢና። ገለ ካብቲ ነቲ ዘይጸዋዕናዮ ዝምልከት ወጻኢታት ክንሽፍኖ እንተዀይና ኣቐዲምካ ምስቶም መጸዋዕታ ንምስዳድ ዝምልከቶም ኣብያተጽሕፈት ሽማግለ ጉዳያት ወጻእተኛታት ተቐበልቲ ይግባይ/UNE ኣቐዲምካ ንምንጻር ከተፍልጥ ኣለካ። ንኣድላይነቱ ብዝምልከት ድማ ብጥብቂ ከተብርሆ ኣለካ።

ነቲ ዝርርብ ንምክያድ ዝምልከት ወጻኢታት ጠበቓ ኣይንሽፍንን ኢና። ጠበቓ እንተሃልዩካ፡ ወጻኢታት መጓዓዝያን ምናልባሽ እውን መሕደሪ ቦታ ጠበቓ ኣድላዪ ምስ ዝዀውንን ክንሽፍኖ ንኽእል ኢና።

ወጻኢታት መጓዓዝያ ንክሽፈነልካ መሰል ምስ ዝህልወካ፡ ወጻኢታትካ ንምምላስ ዝምላእ ቅጺ (English only) ክትመልኦ ኣለካ፡ መሊእካ ምስ ቅብሊታት ወጻኢታት መጓዓዝያታትካ ኣስኒኻ ናብ እዚ ኢ-መይል እዚ ስደዶ፡ supportoko@une.no። ብፖስጣ እውን ብደብዳበ ናብ ፖስጣ ኣድራሻና (English only) ክትሰዶ ትኽእል ኢኻ። ከምኒ ናይ ኣውቶቡስን ባቡራትን ዝኣመሰለ ወጻኢታት መጓዕዝያ እውን ንሽፍን ኢና፡ ወጻኢታት ናይ ታክሲ ግና ከም ንቡር ኣይንሽፍንን ኢና። ታክሲ ክትጥቀም ግድን ምስ ዝዀውን ኣቐዲምካ ምስቶም መጸዋዕታ ንምስዳድ ዝምልከቶም ኣብያተጽሕፈት/UNE ክትወዓዓል ኣለካ።

ብነፋሪት ወይ ዞባዊት ባቡር ክትጓዓዝ ኰይንካ ብመንገዲ Egencia ዝብሃሉ ወኪል መጓዕዝያ ኢኻ በዚ ተሌፎን እዚ ብምድዋል 23 15 04 30 መሳፈሪ ትኬት ትእዝዝ። ኣብታ ዝሰደድናልካ ደብዳበ ተጻሒፉ ዘሎ ኮድን ውልቃዊ መወከሲ ቊጽሪን ብምሃብ ኢኻ ትእዝዝ።

እንተድኣ እቲ ዝርርብ ኣብ ኣዳራሽ UNE ዝካየድ ኰይኑን ናብኡ ንምምጻእ መሕደሪ ቦታ ዘድልየካ ኰይኑን፡ ምስቶም መጸዋዕታ ንምስዳድ ዝምልከቶም ኣብያተጽሕፈት/UNE በዚ ኢ-መይል እዚ mail_inka@une.no ክትውከሶም ትኽል ኢኻ።

ኣብ Gabels gate 16 ኣብ Frogner/ፍሮግነር ዝርከብ ሆቴል Clarion Collection Hotel Gabelshus ውዕል ኣለና። እቲ ሆቴል ቊርስን ዝማላእ ጥዓሞትን ድራርን ኣለዎ፡ ካብ ኣዳራሽ UNE ድማ ዳርጋ 35 ደቓይቕ ብኣጋር ርሒቚ ይርከብ። ባቡር ከተማ ቊጽሪ 13 ካብ Skillebekk እውን ክትወስድ ትኽእል ኢኻ፡ ኣብ Dronningens gate ድማ ትወርድ።

ብነፋሪት ወይ ብዞባዊት ባቡር ክጓዓዙ ንዝግደዱ ጠበቓታት ወጻኢታት መጓዓዝያ ክሽፈነሎም ይከኣል’ዩ፡ ከምኡ እውን ምናልባሽ ወጻኢታት መሕደሪ ሆቴል እንተ’ድልዩ ክሽፈነሎም ይከኣል’ዩ። ብመንገዲ Egencia ዝብሃሉ ወኪል መጓዓዝያ ድማ ክእዝዝ ኣለዎ እቲ ጠበቓ። ሆቴልን መጓዓዝያን ድሕሪ መጸዋዕታ ምቕባሉ ኣብ ዝቐልጠፈ ብሓንስብ ክእዘዝ ኣለዎ። እቲ ዝእዝዝ ኣብታ ካብ UNE ዝተሰደደት ደብዳበ ተጻሒፉ ዘሎ ኮድን ውልቃዊ መወከሲ ቊጽሪን ብምሃብ ክእዝዝ ኣለዎ።

እታ ወኪል መጓዓዝያ ምስ UNE ውዕል ዘለዎም ቈወምቲ ሆቴላት ኢያ ትጥቀም። ኣብዚ እዋን እዚ ምስ እዞም ሆቴላት እዚኦም እዩ ውዕል ዘለና፡ Comfort Hotell Børsን Comfort Hotell Karl Johanን። እዘን ሆቴላት እዚኣተን ብምምልአን መሕደሪ የብልናን ክሳብ ዘይበላ ብጀክአን ካልኦት ሆቴላት ክምረጽ ኣይከኣልን ኢዩ። ጠበቓ ክጓዕዝ እንከሎ ብመሰረት መንግስታዊ መምርሒታት ሕግታት መጓዕዝያ ከም ዝከኣል መጠን በቲ ዝሰለጠን ዝሓሰረን ንኣከባቢና ዝቐደወ ኣገባብን ኢዩ ክጒዓዝ ዘለዎ።

Egencia ወኪል መጓዓዝያ ኰይኑ ምስ UNE ውዕል ዘለዎ ኢዩ። ነፋሪት/ባቡር/ሆቴልን ብመገዲ እዛ ወኪል መጓዓዝያ እዚኣ ኢኻ ትእዝዝ። ብኢ-መይል ወይ ብተሌፎን ድማ ኢኻ ክትእዝዝ ትኽእል፡

ቊጽሪ ስልኪ: 23 15 04 30 (24 ሰዓታት ክፉት'ዩ)

ኢ-መይል/E-post: customer_service@egencia.no

ትኬት መጓዕዝያን መሕደሪ ሆቴልን ንምእዛዝ ከም ዝከኣል መጠን ኣብ ንቡር ሰዓታት ስራሕ ክእዘዝ ከም ዘለዎ ነገንዝብ።