Dhammaan waxey carruurtu xaq u leeyihiin in la dhegaysto
Miyaanaad filimka daawan karin?
Halkan waxaad ka arki kartaa sawirada oo aad qoraalka ka akhriyi kartaa
Tani waa Selma. Selma waxey jeceshahey iney kubbad ciyaarto iyo iney kaman garaacdo.
Selma iyo reerkeedu waxey jecel yihiin iney Norway ku noolaadaan, laakiin waxey jawaab diidmo ah ka heleen UDI.
Dacwad ayey ka qaateen oo waxa kiiskooda hadda gacanta ku haysa meel loo yaqaano
Waxa kiiskooda mar kale eegaysa UNE, markaa UNE ayaa go’aamineysa in Selma iyo reerkeedu ay Norway ku wada noolaanayaan.
Marka ay UNE go’aamineyso kiis ku saabsan carruur, tusaale ahaan in Selma iyo reerkeedu ay Norway ku noolaan karaan, waxey ka fekeraan maxaa carruurta u fiican. Laakiin sidee ayey UNE ku garan kartaa waxa carruurta u fiican? Si lagu ogaado ayaa ah in carruurta hadalkooda la dhegeysto.
Dhammaan carruurtu waxey xaq u leeyihiin in la dhegaysto iyo in la tixgeliyo kiisaska iyaga khuseeya.
Waxey tani ku taallaa heshiisska Qaramada Midoobey ee carruurta.
Tan macnaheedu waxa weeye in Selma ay xaq u leedahey iney sheegto sida ay u aragto kiisaska iyada iyo reerkeedaba khuseeya.
Marka ay UNE ka shaqayneyso kiiska ku saabsan Selma iyo reerkeeda, waa iney hubaan iney aqoon fiican u leeyihiin Selma iyo waxa iyada u fiican.
Waxa jira qaabab badan oo Selma ay ujeeddadeeda ugu sheegi karto UNE.
Waxey la hadli kartaa qof weyn oo ay ku kalsoon tahey, sida waalidka, kalkaaliso caafimaad, macallin, tababare kubadeed, looyar/qareen, ama qof kale oo weyn.
Waxey Selma qofka weyn ee ay la hadleyso ka codsan kartaa inuu qoro waxa ay sheegeyso oo u sii sheego dadka UNE ka shaqeeya.
Waxey kale oo Selma qori kartaa warqad, ama iimayl, ama wax ayey sawiri kartaa. Haddii ay rabto qof weyn ayey caawimo weydiisan kartaa.
Mararka qaarkood waxey UNE codsataa in carruurtu u timaado oo ay la hadlaan. Tan xor ayaa loo yahey, waxaana carruurtu soo kaxeysan kartaa qof weyn oo ay ku kalsoon yihiin.
UNE waxa saaran waajibka sir qarinta. Taa waxa looga jeedaa in dadka kiiska Selma ka shaqeeya oo keli ah ay ogaan karaan waxey sheegtey.
Marka ay Selma sheegto fikirkeeda, waxey UNE bilaabaaysaa ka shaqeynta kiiska reerka. In Selma la dhegeysto macnaheedu ma aha iney go’aamin karto sida wax u dhacayaan. UNE ayaa kiista go’aamineysa. Xataa haddii UNE go’aamiso inaan reerku Norway joogeyn, ma aha Selma khaladkeeda.
Si loo soo koobo:
- Carruurtu waxey xaq u leeyihiin in la dhegaysto. Waxa taas loogaa jeedaa in carruurtu xaq u leeyihiin iney sheegaan sida ay u maleynayaan ama u arkaan kiisaska iyaga khuseeya.
- Ma aha in carruurtu sidaa sameyso haddii aaney rabin.
Shaqada UNE waa iney dhegeysato waxa carruurtu sheegayso. UNE waxey mar kasta ka fekeraysaa maxaa carruurta u fiican, ka hor inta aaney go’aan ka gaadhin in reerku Noway ku noolaanayo.
Dhammaan carruurtu waxey xaq u leeyihiin in la dhegaysto oo ay helaan fursad ay kaga qayb qaataan go'aamada iyaga khuseeya. Waxa sidan dhigaya Axdiga Qaramada Midoobay ee Xuquuqda Carruurta (halkan ka gal). Taa macneheedu waxa weeye, adigaaga ilmaha ah, waxaad xaq u leedahay inaad sheegto waxa aad u malaynayso ama u aragato arrimaha adiga ama qoyskaaga khuseeya. Adiga oo keliya ayaa go'aamin kara haddii aad rabto in lagu dhegaysto, ee cid kale ma aha. Adiga ayaa sidoo kale go'aaminaya waxa UNE ogaaneyso iyo waxa aanaad rabin inaad ka hadasho.
Waxaa jira siyaabo badan oo aad UNE ugu sheegi karto waxa aad rabto inaad sheegto. Waxa aad la hadli kartaa qof weyn oo aad ku kalsoon tahay, sida waalid, kalkaalisada caafimaadka, macallinka, tababaraha kubada cagta ama qareenka kiiska.
Qofka weyn ee aad la hadashaa waa inuu qoro waxa aad tidhi oo uu noo soo diraa. Adiga laftaada ayaa sidoo kale noo qori kartaa, ama sawiri kartaa. Haddii aad rabto, qof weyn ayaad weydiisan kartaa inuu ku caawiyo.
Mararka qaarkood UNE ayaa ku weydiinaysa inaad rabto inaad noo timaado oo nala hadasho. Waa ikhtiyaari. Haddii ay tani ku khusayso, waxaad soo kaxeysan kartaa qof weyn oo aad ku kalsoon tahey.
Adiga laftaadu waxaad naga codsan kartaa inaad nala hadasho. Haddii aan kaa aqbalno, waxaan ku wada hadli karnaa shabakada netka, qolka shirarka ee UNE ee Oslo ama telifoonka. Marka aad nala soo xidhiidho, waxeynu isla garan doonaa sida aan u wada hadli doono.
Halkan waxaad ka daawan kartaa filim ku saabsan sida ay tahey inaad nala kulanto.
Sida caadiga ah, wuu ogaanayaa waalidkaa waxa aad sheegtay. Haddii ay leeyihiin qareen, qareenkuna sidoo kale wuu ogaan doonaa. Laakiin haddii aad rabto inaad sheegto wax aan waalidkaa ogaan doonin, waxaanu heli doonaa xal fiican. Markaa waa inaad noo sheegto wixii qarsoodi ah iyo sababta.
Waa inaan u sheegno maadinta carruurta ama booliiska haddii aan aaminsanahay in laguu geystay tacadi ama xadgudub. Waxaad boggan ka akhriyi kartaa wax badan oo ku saabsan waxa ay maadinta carruurtu qabtaan: Xuquuqda carruurta iyo dhallinyarada ee maadinta carruurta - wakiilka carruurta Wakiilka carruurta (Norwegian only).
Markaad fikradaada dhiibato, waxey UNE sii wadi doontaa inay ka shaqeyso kiiska qoyskaaga. In lagu dhegaysto macnaheedu ma aha inaad go'aamin karto sida wax u dhacayaan. Had iyo jeer UNE ayaa go'aaminaysa iyadoo raaceysa xeerarka khuseeya. Inkasta oo ay UNE go'aamin karto in cid qoyskaaga ka mid ah aaney ku noolaan karin Norway, hadana adiga khaladkaaga ma aha.